Reagojnë historianët e Vitisë: Si u harrua Nijazi Azemi?

Viti – Në reagimin e Lidhjes së Historianëve të Kosovës “Ali Hadri” dega në Viti thuhet se me heroizmin e tij mburret e gjithë Vitia, gjithë Kosova, Lugina Preshevës dhe gjithë shqiptaria. Si simbol i veprës heroike të Nijazi Azemit Komandant Mjekrra, është ngritur një shtatore në qendër të Vitisë, ku edhe sheshi kryesor i qytezës së Vitisë mban emrin e heroit “Nijazi Azemi-Komandant Mjekrra”

Vazhdojnë gabimet apo vlerësimet jo të drejta të komisionit për verifikimin e Statusit të Veteranëve të luftës së UÇK-së pasi që në këtë listë nuk është përfshi edhe emri i dëshmorit Nijazi Azemi Komandant Mjekrra si veteran i UÇK-së Zona Operative e Dukagjinit Brigada 134 ″Bedri Shala” i cili më pas iu bashkua edhe luftës për Çlirimin e Luginës së Preshevës ku ra edhe Heroikisht.

Në reagimin e Lidhjes së Historianëve të Kosovës “Ali Hadri” dega në Viti thuhet se me heroizmin e tij mburret e gjithë Vitia, gjithë Kosova, Lugina Preshevës dhe gjithë shqiptaria. Si simbol i veprës heroike të Nijazi Azemit Komandant Mjekrra, është ngritur një shtatore në qendër të Vitisë, ku edhe sheshi kryesor i qytezës së Vitisë mban emrin e heroit “Nijazi Azemi-Komandant Mjekrra”

Si Lidhje e Historianëve “Ali Hadri” Dega në Viti, në emër të kësaj Dege kërkojmë nga Komisioni për Verifikim dhe përpilim të listave të Veteranëve dhe Dëshmorëve të Kombit…që të evitohet gabimi në përpilimin e emrave në listat e Veteranëve dhe Dëshmorëve të Kombit, ku kësaj liste i mungon emri i Heroit të Kombit Nijazi Azemi – Komandant Mjekrra thuhet në reagimin e Florim Brahimit kryetar i L.H.K.”Ali Hadri” – Viti./rajonipress/