Haliti priti në një takim familjarët e atdhetarit Halil Alidema

Viti – Kryetari i komunës së Vitisë Sokol Haliti, ka pritur sot në një takim familjarët e atdhetarit Halil Alidema me të cilët ka biseduar për hapat e mëtutjeshëm në përkujtim të veprës së këtij atdhetari të çështjes kombëtare. Haliti ka theksuar se është nder për Vitinë e për Kosovën që të kesh një njeri si Halilin dhe si institucione jemi të obliguar për të ngritur në piedestal kontributin e tij.

“Edhe personalisht kam pasur rastin ta njoh Halilin dhe për këtë margaritar duhet një përkushtim më i madh edhe nga instancat më të larta, sepse ai meriton shumë, sepse bëri shumë për tokat shqiptare. Ne jemi të obliguar që të nderojmë në të gjitha format veprën e tij, sepse Halili nuk ishte vetëm i familjes por i mbarë shqiptarisë”, ka thënë Haliti.

Ndërsa Fitim Alidema ka shprehur falënderime të familjes Alidema për institucionet komunale të Vitisë, respektivisht për kryetarin e komunës Sokol Halitin për përkushtimin që po bënë në përkujtimin e veprës dhe kontributin e Halil Alidemaj.

Ai me këtë rast i dhuroj kryetarit Haliti dhe nënkryetarit Hasan Aliu veprat e shkruara nga Halil Alidemaj.

Të theksojmë se Institucionet komunale të Vitisë, vitin e kaluar kanë organizuar homazhe tek varri i këtij atdhetari, ndërkohë kanë marrë iniciativën e rregullimit të varreve të Halil Alidemajt dhe bashkëshortes së tij Teuta Alidemajt, që janë të varrosur në Tiranë./rajonipress/