Tash 6 vjet në pritje të liberalizimit

Tash gjashtë vjet Kosovës i janë bërë me dije kriteret që duhet plotësuar për liberalizimin e vizave nga Bashkimi Evropian dhe ende vendi mbetet në situatën e njëjtë, pa datë të saktë të heqjes së vizave.

Që nga viti 2009 Kosova i ka ditur kriteret që kërkohen nga Bashkimi Evropian për liberalizimin e vizave, shkruan “Zëri”.

Të njëjtin vit Komisioni Evropian ka propozuar fillimin e procesit të liberalizimit të vizave për Kosovën. Sot, gjashtë vjet pas, vendi vazhdon të mbetet më i izoluari në rajon, i vetmi pa lirinë e lëvizjes.

Bashkimi Evropian vazhdon të kritikojë institucionet e vendit që nuk janë të gatshme të përmbushin kriteret e kërkuara nga harta rrugore, ndërkohë që Qeveria e Kosovës ia hedh fajin Brukselit, si i padrejtë ndaj Kosovës. /Zëri/