Dridhje të tokës në Gjilan e Viti

Gjilan – Në Gjilan për herë të dytë gjatë ditës së hënë është shënuar një dridhje e fuqishme e tokës. Dridhje janë shënuar edhe në Viti raportojnë bashkëpunëtorët tanë.

Në Gjilan vetëm gjatë ditës së hënë janë shënuar dy dridhje të fuqishme të tokës. Gjilanasit kanë arsye të jenë të frikësuar pasiqë ky regjion njihet si vend me rrezikshmëri të lartë sizmike.

Kësaj radhe dridhjet janë evidentuar edhe në Viti;. Hysen Ymeri banor në Sllatinë të Vitisë tha për rajonipress se dridhja ishte e fuqishme sikur të ishte një detonim eksplozivi. “Unë mendova se bëhet fjalë për një detonim nga KFOR-i “ tha Ymeri për rajonipress.

Gjilanasit ndërkaq kanë një përvojë më të gjatë me tërmetet. Realisht banorët e ndërtesës së njohur si Soliteri i Gjilanit janë ndier më të frikësuar sepse dridhja është shënuar më e fuqishme.

Ndryshe institucionet komunale nuk kanë dhënë ndonjë raport për dëmet apo eventualisht pasojat e kësaj dridhjeje./rajonipress/