Lufta për luftën

Pakënaqësitë me listat e veteranëve të UÇK-së kanë arritur kulmin, ende pa u publikuar listat e zonave kryesore operative: Drenicës, Dukagjinit dhe Shtabit të Përgjithshëm.

Për shkak të shumë parregullsive, që e ka karakterizuar procesin për verifikimin e veteranëve, disa nga ish-themeluesit e UÇK-së nuk kanë aplikuar për njohje të statusit të veteranit, e disa të tjerë thonë se do të heqin dorë nga ky status, nëse në këto lista nuk përfshihen të gjithë bashkëluftëtarët e tyre. Ka dyshime se dhjetëra persona kanë marrë statusin e veteranit të UÇK-së, ndonëse asnjëherë nuk kanë kapur as armën në dorë.

Në pesë zonat operative, në të cilat janë publikuar këto listat, janë ankuar rreth 7800 persona, e që në përqindje i bie rreth 25% e aplikantëve. Përderisa, drejtuesit e procesit të verifikimit nga veteranët kanë kërkuar durim dhe besim në Komisionin për Verifikimin e Veteranëve, ish-drejtuesit e luftës shprehen të pakënaqur me këtë proces, për të cilin ata thonë se është në rrezik që të dështojë./zeri/