Shënohet 21 marsi – Dita Ndërkombëtare e Personave me Sindromin Down

Kamenicë – Drejtoria e Kulturës, Rinisë dhe Sportit, me drejtoreshën Venera Dërmaku-Rexha, në bashkëpunim me Koordinatoren e Njësisë Komunale për të Drejtat e Njeriut, Nazmije Demolli-Kastrati, organizuan një ekspozitë me punime të nxënësve me nevoja të veçanta të klasëve të bashkangjitura të Shkollave fillore “Fan.S.Noli”, të Kamenicës dhe asaj “Metush Krasniqi” të Rogaçicës.

Ekspozita u organizua në holin e Shtëpisë Kulturës “Isa Kastrati”. Motoja e kësaj ekspozite ishte: “Gjithëpërfshirja, vlerë shoqërore”.

Në hapjen e kësaj ekspozite morën pjesë, drejtorët e drejtorive komunale, zyrtarë komunal, drejtorët e shkollave, ërfaqësues të Handikos-it, nxënës dhe arsimtarë të shkollave të Kamenicës.

Nxënësve të cilët kanë marrë pjesë në këtë ekspozitë me punime i’u ndanë mirënjohje. Ky aktivitet ishte i financuar nga, Drejtoria e Administratës së Përgjithshme dhe Drejtoria për Kulturë, Rini dhe Sport./rajonipress/