Rrugët e fshatrave të Kamenicës bëhen të kalueshme

Kamenicë – Kush mendon se dimri ka ikur e ka gabim. Rruga Poliqkë – Velegllavë të dielën është bërë e kalueshme nga komuna. Trashësia e borës që i ka përfshirë fshatrat e Kamenicës u ka krijuar mjaft telashe banorëve të këtyre fshatrave malore.

Refik Latifaj i cili është caktuar kryetar i komisionit për pastrimin e borës të dielën ka përcjellur pastrimin e borës në rrugën Poliqkë-Velegllavë. “Tani rrugët për banorët e kësaj ane janë të kalueshme dhe kjo po arrihet falë angazhimit të zyrtareve komunal të cilët capo ditë janë në teren dhe falë angazhimit të kompanisë “Global Project” e cila e bënë pastrimin e rrugës nga bora” tha Latifaj.

Sipas zyrtarëve komunal tashmë të gjitha rrugët në Malësinë e Kamenicës janë të kalueshme, pavarësisht trashësisë së borës që ka mbretëruar këto ditë në këto zona të thella malore./rajonipress/