Mashtrimi me faljen e borxheve

Një muaj pas fillimit të punës së Komisionit qeveritar për Faljen e Borxheve të konsumatorëve ndaj kompanive publike deri në fund të vitit 2008, ende nuk dihet kush do të jenë përfituesit nga ky vendim i ekzekutivit.

Së fundi vendimi i ekzekutivit ka ndryshuar “formë”, duke u njoftuar se falja e borxheve të vjetra do të ndodhë nëse paguhen borxhet prej vitit 2009 e këndej.

Zyrtarë të Ministrisë së Financave kanë thënë për “Zërin” se ende nuk kanë shifra se sa do të jetë shuma e borxheve që do të falen.

“Sa i përket shumës së borxheve është herët të përgjigjemi, pasi që po mblidhen shifrat konkrete nga institucionet kompetente”, thuhet në përgjigjen e Ministrisë së Financave për gazetën “Zëri”.