Vitia po feston shtatë vjetorin e pavarësisë së Kosovës me aktivitete të shumta

Viti – Për nder të shtatë vjetorit të pavarësisë së Kosovës, Kuvendi Komunal i Vitisë ka mbajtur sot një seancë solemne, ndërkaq më pas në mënyrë të organizuar janë bërë homazhe në varrezat e dëshmorëve në Viti.

Ndërkaq në orët e pasdites në shtëpinë e Kulturës “Gursel dhe Bajram Sylejmani“ në Viti është mbajtur manifestimi qendror ku përpos që para të pranishmeve është shfaqur një program kulturo dhe artistik është folur edhe për rrugëtimin e pavarësisë së Kosovës.

Poashtu organizuar nga Drejtoria për Kulturë, Rini dhe Sport të kësaj komune janë mbajtur gara sportive në shenjëtari dhe pingpong, është promovuar libri “ Stubëlla me shkollën e parë shqipe 1854-1905” të autorit Sarë Gjerigji.

Gjithashtu është hapur edhe ekspozita e artit pamor si dhe janë zhvilluar disa ndeshje në futboll të ekipeve si : KFOR-it, Policisë, Komunës, Veteranëve të UÇK-së etj. Ndërkaq në ora 17:00 deri 19:00 është paraparë një koncert i hapur për qytetarët e kësaj komune dhe atë para shtëpisë së kulturës në Viti. Aktivitetet për nder të ditës së pavarësisë së Kosovës në Viti do të përmbyllën me fishekzjarrë pas orës 19:00.

Kryesuesi i Kuvendit Komunal të Vitisë, Naim Pira në seancën solemne që është mbajtur për nder të 7 vjetorit të pavarësisë së Kosovës në Viti e cilësoj 17 shkurtin si një ditë të veçantë për popullin e Kosovës. “Sot është një ditë e veçantë për popullin e Kosovës, sepse shatë vite më parë në Kuvendin e Kosovës me përkrahjen e miqëve tanë ndërkombëtar si SHBA-ja u bënë realitet përpjekjet për gjakun e derdhur për shtetin e pavarur të Republikës së Kosovës” u shpreh Kryesuesi Pira.

Ndërkaq Kryetari i Komunës së Vitisë, Sokol Haliti duke u uruar gjithë qytetarëve të kësaj komune shtatë vjetorin e pavarësisë së Kosovës tha se pavarësia e këtij vendi u arrit pas shumë kërkesave dhe sakrificave të këtij populli. “Kjo u arrit pas kërkesave sublime të këtij populli të shumë vuajtur dhe pas luftërave të pareshtura të brezave për liri dhe mëvetësi shtetërore të vendit tonë. Në këtë përvjetor i përkujtojmë të gjithë ata që sakrifikuan jetën duke rënë në alltarinë e lirisë dhe që u shkrinë duke punuar për të mirën e popullit dhe të atdheut” u shpreh Kryetari Haliti.

Ndërkaq Drejtoresha për Kulturë, Rini dhe Sport Kaltirina Sylejmani, në fjalën e saj përshëndetëse në manifestimin qendror uroj të gjithë qytetarëve përvjetorin e Republikës së Kosovës. “Nuk rezistoj , pavarësisht te gjithave, Urime 7 Vjet Shtet, sepse për këtë Urim Shqip për Shtet tonin, u dhanë shume jete dhe u dha shume kontribut nder vite! Për të uruar, festuar, shkolluar, punuar shqip humbëm shume baballarë, nena, motra, vëllezër u humb shume gjak, por u fitua ëndrra e popullit u fitua Liria e shtrenjte, u fitua një lufte , dhe fitoi emblema Kuq e Zi, emblema e jetës. ëndrra e çdo te reni për Liri! Prandaj në ditë të tilla, ta kthejmë anën e artë të medaljes dhe të festojmë së bashku“ u shpreh Drejtoresha Sylejamni.

Ndërkaq në emër të organizatave të dalura nga lufta të UÇK-së ka folur Abdyl Bajrami i cili ndër tjerash e quajti ditën e sotme ditë të bekuar sepse sipas tij për këtë ditë u dha shumë mund, djerse dhe gjak.

Me pas nën organizimin e DKRS-së u dha një program kulturo dhe artistik, janë mbajtur gara sportive në shenjëtari dhe pingpong, është promovuar libri “ Stubëlla me shkollën e parë shqipe 1854-1905” të autorit Sarë Gjerigji.

Gjithashtu është hapur edhe ekspozita e artit pamor si dhe janë zhvilluar disa ndeshje në futboll të ekipeve si : KFOR-it, Policisë, Komunës, Veteranëve të UÇK-së etj ku “Fitues i ‘Kupa e Pavarësisë’ është OVL e UÇK-se.

Ndërkaq në ora 17:00 deri 19:00 është paraparë një koncert i hapur për qytetarët e kësaj komune dhe atë para shtëpisë së kulturës në Viti. Aktivitetet për nder të ditës së pavarësisë së Kosovës në Viti do të përmbyllën me fishekzjarrë pas orës 19:00./rajonipress/