“Eco – Higjiena” shkëmben përvojën me Bashkinë e Lezhës

Gjilan – Bajram Isufi drejtor ekzekutiv në “Eco – Higjiena” ka marrë pjesë në një vizitë zyrtare në Bashkinë e Lezhës në Shqipëri për të marrë dhe shkëmbyer përvojat në fushën e menaxhimit të mbetjeve urbane.

Disa përfaqësues të komunave të Kosovës duke përfshirë këtu edhe drejtuesit e “Eco – Higjiena” kanë shkëmbyer përvojat e tyre në qytetin e Lezhës me theks të veçantë është diskutuar eksperienca në fushën e menaxhimit të mbetjeve urbane.

Bajram Isufi drejtor ekzekutiv në “Eco – Higjiena” tha se vizita ishte shumë e dobishme për faktin se në fushën e menaxhimit të mbetjeje urbane Bashkia e Lezhës ka kohë që po operon suksesshëm.

Kryetari i Bashkisë së Lezhës, Tushaj ka thënë se menaxhimi i mbetjeve ka qenë dhe do të mbetet prioritet për punën tonë.

Bashkia Lezhë prej më shumë se 4 vitesh po aplikon sistemin e grumbullimit të mbledhjeve urbane në mënyrë të diferencuar. Në mbështetje të këtij projekti nga Instituti i kërkimeve Urbane, u mundësua projekti i grumbullimit të plastikës në mënyrë të diferencuar. Aktiviteti kryesor i këtij projekti ka qenë sensibilizimi i opinionit qytetar, për të bërë ndarjen që në burim të mbetjeve.

Pikërisht për të shpjeguar këtë proces hap pas hapi, z. Edlir Vokopola – Drejtor në Drejtorinë e Planifikimit dhe Zhvillimit në Institutin e Kërkimeve Urbane realizoi një prezantim nga i cili miqtë nga Kosova morën eksperiencën e duhur për të realizuar një proces të ngjashëm në Komunat e tyre. Marrë nga ( http://www.lezha.gov.al) /rajonipress/