Fshatrat e Anamoravës i merr uji

Gjilan – Fshatrat e Anamoravës vërshohen nga shiu i fundit derisa më të prekurat konsiderohen fshati: Velekincë, Kuvcë e Epërme, Livoç i Epërm, Kmetoc, Dobërçan, Përlepnicë, Radivojc, Budrikë, Skifteraj, Kabash, Binq, Remnik etj. Pavarësisht se Komuna e Gjilanit dhe ajo e Vitisë thonë se situata është e menaxhueshme dëmet sipas banorëve janë të mëdha.

Shiu që ra të premtën ka dëmtuar disa fshatra të komunës së Gjilanit dhe Vitisë. Dalja e ujit nga shtrati i lumit, ka bërë që në Miresh e Përlepnicë të dëmtohen shumë kultura bujqësore, raporton rajonipress.

Tashmë edhe fshatrat tjera si Velekincë, Kuvcë e Epërme, Livoç i Epërm, Pograxhë janë goditur nga vërshimet. Ndonëse zyrtarët komunal kanë thënë se gjendja nuk është shqetësuese, banorët dhe qytetarët vlerësojnë së dëmet janë të konsiderueshme.

Edhe në Viti fshatrat e kësaj komune janë vërshuar nga uji. Drejtori i shërbimeve publike Nexhmedin Jakupi, thotë se gjendja më e rëndë paraqitet në Radivojcë, Budrikë e Skifteraj, edhe pse situata është e menaxhueshme.

Përmbytje të tokave bujqësore janë shënuar në disa vendbanime të komunës së Vitisë si në Radivojcë, Budrikë, Skifteraj, Ramnishtë./rajonipress/