Reshjet e shiut vështirësojnë disa rrugë kryesore në rajonin e Gjilanit

Gjilan – Moti i rënduar dhe reshjet e mëdha të shiut kanë vështirësuar lëvizjen në disa akse rrugore nëpër rrugët rajonale të Gjilanit, në vet qytetin e Gjilanit, por edhe nëpër rrugët tjera dytësore.

Policia e Kosovës njësitet e trafikut rrugor gjatë gjithë ditës së sotme kanë pasur lëvizje të shtuara nëpër të gjitha segmentet rrugore tha Ismet Hashani zëdhënës i policisë rajonale.

Deri më tani raportohet se rrugët janë të kalueshme, por lëvizja është mjaftë e vështirësuar.

Nëpër vende të ulëta niveli i ujit është ngritur ndjeshëm edhe duke dalë nëpër rrugët kryesore.

Policia porosit vozitësit të jenë të vëmendshëm veçanërisht në akset skaj maleve, sepse mundësia e rrëshqitjes së dheut dhe e gurëve është evidente, në qoftë se intensiteti i të reshurave nuk pushon.

Vështirësi deri më tani janë paraqitë: Aksi rrugor Gjilan – Ferizaj, në fshatin Radivojc, Skifteraj dhe rrethina të Vitisë, magjistralja Gjilan – Kamenicë nga fshati Dobërqan deri në fshatin Crep, si dhe aksi rrugor Gjilan – Prishtinë te penda e Livoçit.

Fatmirësisht deri më tani nuk kemi raportime për aksidente rrugore si pasoj e reshjeve të mëdha apo edhe përmbytje të përmasave të mëdha./rajonipress/