Abazi: Po fillon edhe një vit me hipnozën e zgjedhjeve

Gjilan – Sahit Abazi shef i grupit të PDK-së thotë se kur e dëgjon kryetarin e komunës së Gjilanit të krijohet përshtypja që fushata veç sa ka filluar, i nisë dhe i përfundon fjalimet tepër politike me shprehjet :”Do ta bëjmë” sepse ai e konsideron vetën ende në fushatë, ose nuk po dinë kah ja man, sepse ka hyrë në teren ku retorika nuk i kryen punë, meqë kërkohen zgjidhje praktike e pragmatike.

Abazi tha për rajonipress se vitin 2014, Haziri e kaloj duke e vajtuar gjendjen, që e gjeti në komunë, pa të drejtë sepse kishte të lëna projekte gati, bile edhe mjete të gatshme nga qeveria dhe donatorët.

“Duke e përdorur retorikën e tij të zgjuar u mundua t`i përvetësojë ato projekte. Viti që kemi hyrë e që mbanë përgjegjës kryetarin aktual duket të jetë më i vështiri në historinë e pas luftës në Gjilan, sepse kryetari me ekip ka vendosur t`i zvogëlojë investimet kapitale në Gjilan, pasojat do të jenë të rënda për krejt komunitetin e biznesit, e më vonë edhe për qytetarët në tërësi”.

Abazi mendon se Luta ka vendosur ta rrisë shumën e mjeteve që quhen subvencione me një ide të mbrapshtë që të vë në kontroll dhe të bëjë kapje të komunës duke dhënë vet kryetari mjete financiare. “Si asnjëherë më parë kanë lulëzuar ndërtimet pa leje. Komuna ka rivendosur taksat komunale për biznesin në Gjilan, për ta vështirësuar gjendjen edhe më shumë. Kryetari shumicën e herëve e kalon në aeroplan dhe në Prishtinë sikur i ka mbetur atij t`i zgjidhë problemet madhore të kombit. I humbur në këtë teren kryetari vazhdon të premtojë në hava. I bëjmë thirrje si opozitë që pas një viti të huqur në Gjilan t`i kthehet angazhimeve për të zgjidhur problemet e gjilanasve sepse kjo është detyra e tij” tha Abazi./rajonipress/