Sinani në kodrat e fshatrave të Malësisë së Kamenicës

Kamenicë – Begzad Sinani edhe të dielën e ka shfrytëzuar për të takuar fermerët e fshatrave të Malësisë së Kamenicës. Sinani tha se ka takuar fermer në Karaqevë të Epërme e të Poshtme dhe në Novosellë.

Begzad Sinani të dielën dukej shumë i hareshëm pasi ka takuar fermerët e fshatrave të Karaqevës dhe Novosellës. Ai madje nuk ka nguruar që të ngjitet edhe në majet e këtyre fshatrave për të bërë foto me blegtorët, raporton rajonipress.

Sinani tha se nga këto takime të drejtpërdrejta po e njeh situatën më mirë të fermerëve. “Sot isha në teren dhe u njoha më për së afërmi me gjendjen e fermerëve në Karaqevë të Epërme, Karaqevë të Poshtme dhe Novoselle. Këta fermerë e duan punën, por mundësi investimi nuk kanë. Ata mezi presin mbështetjen institucionale nga komuna dhe ministria” tha Sinani.

Sinani tha se ka parë një entuziazëm tek fermerët: Nasim Kastrati, Sali Kastrati, Sevdai Fera, Shukri Fera, Fahredin Keka, Njazi Keka, Ahmet Rrudhani, dhe Afrim Lenjani./rajonipress/