Arben Dërmaku ofron dorëheqje?

Gjilan – Arben Dërmaku ushtrues detyre i rektorit në Universitetin Publik të Gjilanit ka dhënë dorëheqje. Në administratën e këtij Universiteti të gjithë e pranojnë se Dërmaku ka ofruar dorëheqje, por askush nuk e thotë zyrtarisht.

Arben Dërmaku ushtrues detyre i rektorit në Universitetin Publik të Gjilanit ka ofruar dorëheqje nga kjo pozitë. Burimet e rajonipress brenda administratës së këtij universiteti mësojnë se Dërmaku e ka ofruar dorëheqjen pasi rektori Ramadan Zejnullahu kishte marrë vendim që mos të paguaj Dërmakun edhe si rektor edhe si profesor në Fakultetin Ekonomik në Prishtinë.

Në administratën e këtij Universiteti të gjithë e pranojnë faktin se Dërmaku ka ofruar dorëheqje, por askush nuk e konfirmon zyrtarisht këtë.

Xhevdet Thaçi prorektor tha se ka dëgjuar vetëm fjalë se Dërmaku ka dhënë dorëheqje, por nuk dinë asgjë më tepër zyrtarisht. “Nuk mund të konfirmojë asgjë zyrtarisht” tha shkurt Thaçi.

Rajonipress ka tentuar të marrë ne telefon edhe prononcimin e Arben Dërmakut, por kontakti me të ka qenë i pamundur./rajonipress/