Haziri: Gjithçka gati për “Flaka e Janarit 2015”

Gjilan – Bujar Haziri nga drejtoria për kulturë tha për rajonipress se tashmë janë bërë të gjitha përgatitjet që Flaka..të nis me të gjitha aktivitetet e saja përcjellëse. Sipas tij “Flaka” edhe kësaj radhe do të jetë e pasur dhe cilësore dhe gjithçka do të jetë në nderim dhe në përkujtim të 70- vjetorit të masakrës së Gjilanit 1944/45.

Është bërë publike agjenda e manifestimit kombëtar “Flaka e Janarit 2015” që mbahet nën patronatin e kryetarit të komunës Lutfi Hazirit.

Bujar Haziri drejtor për kulturë tha për rajonipress se tashmë janë bërë të gjitha përgatitjet që ky manifestim të nis me të gjitha aktivitetet e parapara.

Sipas tij edhe këtë vit Flaka.. do të jetë e pasur dhe cilësore. “Jemi të përgatitur dhe do të presim edhe shumë mysafirë, ansamble e shoqata që do të marrin pjesë në këtë manifestim dhe që do ta gjallërojnë aktivitetin kulturor” tha Haziri./rajonipress

Agjenda e plotë e Flakës

14 janar 2015
-Vizitë në FSK –Garnizoni Gjilan – Ora 10.00 vendi: Kazerma e FSK-Gjilan
-Homazhe te varrezat e dëshmorëve dhe te lapidaret në qytet – Ora:11.00, vendi: Varrezat e Dëshmorëve.
-Pritje nga kryetari i komunës për familjet e dëshmorëve – Ora : 12.00, vend : salla e Kuvendit Komunal
-Ndezja e Flakadanit të “Flakës së Janarit 2015” – 0ra 17:00, vendi: Platoja para Teatrit

17 janar 2015

PENELI i FLAKES 0ra 17.00, vendi: Galeria e Qytetit
– Ekspozitë kolektive e arteve pamore.
-Shpallja e fitueseve të konkursit

19 janar 2015

XIXAT E FLAKËS Ora : 14.00 Vendi: Salla e Teatrit
-Festivali i muzikës për fëmijë.

21 Janar 2015

Akademi përkujtimore për Presidentin Dr. Ibrahim Rugovën
Ora 16.00, vendi: Salla e Teatrit

22 Janar 2015

AKADEMIA E FLAKES – Ora 16.00, vendi: Salla e Teatrit
-Në Përkujtim të 70 – të vjetorit të Masakrës së Gjilanit 1944/45

23-28 Janar 2015

TALIA E FLAKËS Ora: 19.00, vendi : Salla e Teatrit
-Festivali i Dramës Shqipe – Trupat Teatrore nga të gjitha trojet shqiptare.

30 JANAR 2015 – Ora e madhe letrare , Ora : 16.00 vendi: Salla e Kuvendit Komunal
-Shpallja e rezultateve të konkursit letrar për poezi dhe tregim

31 janar 2015 – FEST FLAKA Ora : 19.00 vendi : salla e Teatrit
-Festivali i muzikës popullore.