Policia arreston hajnin e shitoreve

Gjilan – Në rrugën “Isa Boletini” në Gjilan, Policia e Kosovës në stacionin policor në Gjilan, ka pranuar një informatë, se në një shitore një i dyshuar ka kryer veprën penale ,Vjedhje”. I dyshuari fillimisht ka hyrë në shitore dhe ka filluar të grumbulloj artikuj të ndryshëm kinse me qëllim të blerjes dhe është ofruar te kasa kinse për pagesë, ku njëkohësisht ka kërkuar edhe disa pako me cigare të llojeve të ndryshme në vlerë të konsiderueshme njoftoj policia e Gjilanit.

Ai i ka thënë shitëses “po dal deri te vetura ta pyes bashkëshorten mos ka me marr edhe diçka tjetër” dhe për njëherë ka ikur prej vendit të ngjarjes.

I dyshimti M. Z. (1968) është lokalizuar nga policia dhe më pastaj është arrestuar.

Gjatë intervistës janë gjetur fakte të qëndrueshme edhe për disa vepra tjera penale të cilat besohet se ai është i involvuar në qytetin e Gjilanit.

Me urdhër të prokurorit të shtetit i dyshuari M.Z. ndalohet në qendrën e ndalimit për 48 orë. Rasti procedohet në Gjykatë./rajonipress/