Të gjitha rrugët në komunën e Vitisë janë të kalueshme

Viti – Aktualisht të gjitha rrugët e fshatrave të komunës së Vitisë, janë të kalueshme dhe qarkullimi po bëhet pa probleme. Drejtori i Shërbimeve Publike në Viti Nexhmedin Jakupi, ka theksuar se është intervenuar dje në 6 fshatra në pastrimin e rrugëve, kurse sot kompania është në terren për të intervenuar nëpër të gjitha rrugët ku paraqitet nevoja.

Ai ka përmendur se nevoja për intervenim është më e theksuar në fshatrat malore si Debellde, Buzovik, Letnicë etj, ngase edhe sasia e borës është dukshëm më e madhe. /rajonipress/