Arrestohet vitiasi, përdori dhunë ndaj prindit

Viti – Policia e Kosovës, njësitet sektoriale nga Vitia, pas pranimit të një thirrje telefonike, i janë përgjigjur një rasti ‘dhunë familjare’ në fshatin Kabash, komuna e Vitisë. Në vendin e ngjarjes është takuar ankuesi nga i cili janë marrë informata rreth rastit. Më pastaj është arrestuar i dyshuari, pasi i njëjti kishte përdorur dhunë ndaj prindit të tij dhe njëkohësisht kishte dëmtuar disa sende shtëpiake njoftoj policia e Kosovës.

Sipas policisë sendet e dëmtuara janë: një televizor, një orë muri dhe një komodë (tavolinë) në dhomën e ndejës.

Është njoftuar prokurori shtetëror i cili edhe ka prezantuar në intervistimin e palëve të involvuar në rast.

Prokurori ka marrë vendim që ndaj të dyshuarit të caktohet masa e ndalimit për dyzet e tetë (48)orë. Rasti procedohet në gjykatë./rajonipress/