Vdes në aksident 19-vjeçari, djali i vetëm i Visar Zhitit
RajoniPress
21:42, 20 Dhjetor, 2014
Tragjedi për familjen e ish-ministrit të Kulturës Visar Zhitit. Djali i tij Atjoni, 19-vjeçar, ka humbur jetën në një aksident që ka ndodhur sot në autostradën Tiranë-Durrës.
Ai është përplasur me bordurën e trafik-ndarëses së autostradës dhe nuk ka mundur t’i rezistojë plagëve dhe ka ndërruar jetë.
19-vjeçari ishte student për filozofi që prej vitit 2013 në Universitetin “Sacro Cuore” në Milano.
Sipas hetimeve të para të policisë rrugore, shkak i aksidentit ka qënë shpejtësia e madhe. Atjoni ka qënë në motor bashkë me një shokun e tij Serxhio Matiani, i cili është në gjendje të rëndë.
Ai ishte djali i vetëm i Visar Zhitit, një ndër shkrimtarët e njohur që u persekutua dhe u burgos nga diktatura komuniste.
