Cili ishte shkaku i vdekjes së Dr. Florit?

Florand Kondi, i njohur me emrin artistik ‘Doktor Flori’, ish-anëtar i grupit muzikor “West Side Family” ka ndërruar jetë mëngjesin e të hënës. Shkaqet janë ende të panjohura, por kantautori i njohur është dërguar në Qendrën Spitalore “Nënë Tereza”, në Tiranë dhe sipas mjekeve ai nuk ka pasur shenja jete.

Në spital është dërguar rreth orës 10:20 minuta, mjeket dyshojnë për ndonjë sulm në zemër, megjithatë, pritet dalja e autopsisë mjeko-ligjore.

“Nuk dihen ende shkaqet e vdekjes së papritur të Florian Kondit. Dyshohet se shkak i vdekjes mund të jetë një mbidozë droge ose alkooli por do të jetë autopsia e cila do të nxjerrë konkluzionet”, raporton oranews.

Ish-anëtari i grupit ‘West Side Family’, është baba i dy fëmijëve. Ai u bë i njohur me disa këngë shumë të njohura në tregun muzikor shqiptar, por edhe për angazhimin e tij, njëherë në fushatën elektorale të Edi Ramës dhe me pas ne zgjedhjet e fundit realizoi një këngë për fushatën e partisë.

——————————————————————————

Dr. Flori: Anonim nuk do të jem

Florian Kondi, emri i artit është Dr. Flori e nisi karrierën e tij artistike me grupin Westside Family.
Tre çunat e Westside Family realizuan këngë të cilët tërhoqën vëmendjen e publikut. Një prej këngëve më të njohura të tyre është “Në krahët e tua do të jem”. Gjithashtu dhe kënga e realizuar me Edi Ramën, “Tirona”.

Dr. Flori ishte autori i teksteve të këngëve të grupit, si dhe i shumë këngëve të kënduar solo apo nga këngëtarë të tjerë. Tekstet e tij ishin shumë të ndjera dhe filozofike.

Kurse kënga e tij më e re, e cila fatkeqësisht do të jetë dhe e fundit është ajo me titull “Toke Toke”. /shekulli/

——————————————————————————

Këngëtari mbërriti i vdekur në spital

Një prej këngëtarëve më të njohur dhe ndër më kontroversët në Shqipëri, Florian Kondi i njohur si “Doktor Flori” ka ndërruar jetë. Ai ka mbërritur i vdekur në Qendrën Spitalore Universitare Nënë Tereza.
Burime thanë për lapsi.al se vdekja e tij është konstatuar këtë mëngjes.

Këngëtari i njohur i muzikës shqiptare ka shfaqur shqetësime shëndetësore dhe ka ndërruar jetë vetëm pak çaste pasi ka mbërritur në spitalin Universitar “Nënë Tereza” në Tiranë.

Doktor Flori u nda nga jeta në një moshë të re, ndërsa ka lënë pas dy fëmijë, një vajzë dhe një djalë të vogël, i cili kishte vetëm disa javë që kishte lindur. /lapsi.al/

——————————————————————————

Vdes këngëtari Dr. FLori

Ndërron jetë këngëtari i njohur “Doktor Flori”.
Sipas njoftimeve paraprake, artisti mësohet se ka vdekur duke u dërguar në Qendrën Spitalore Universitare në Tiranë.

Motivet ende të panjohura