Fatlind Demi mesfushor e sulmues i së ardhmes

Gjilan – Klubi i Gjilanit gjithmonë ka dhënë emra të mëdhenj në futbollin e Kosovës, ndërsa rrugës së shumë futbollistëve cilësor është duke shkuar edhe i riu 16 vjeqari Fatlind Demi.

Edhe pse i ri për nga mosha futbollisti Fatlind Demi ka aspirata të mëdha për karrierën e tij futbollistike.

Mesfushori ofanziv por edhe sulmues krahu Demi karrierën futbollistike e ka filluar si 10 vjeçar duke mos u ndalur në asnjë moment gjerë më tani. “Futbollin e dua ai është një pjesë e jetës sime, pa topin e futbollit do të isha shumë i vetmuar shpresoj se një ditë jo të largët do të jem pjesë e ndonjë klubit të madhë”, shprehet futbollisti Demi.

Për të avancuar karrierën e tij futbollistike Fatlindi për një kohë ishte pjesë e Shkollës së futbollit “Galatasaray Kosova”.
“Në këtë shkollë kam mësuar shumë sa i përket teknikës së futbollit, ndërsa si pjesë e kësaj shkolle isha edhe në një turne në Turqi ku dhashë një kontribut të jashtëzakonshëm duke ju pëlqyer shumë menaxhereve evropian loja të cilën e kam shfaqur në këtë turne të futbollit”, shprehet talenti i Gjilanit Demi.

Talenti Demi kishte shfrytëzuar rastin të sprovohet edhe në kampin e futbollit i cili u mbajt në verën e kaluar në Gjilan duke u vlerësuar me notën më të lartë.

Talenti i Fatlindit nuk mbetet pa u vërejtur edhe në KF Gjilani në grup moshat U17-U19 duke qenë njëri ndër futbollistët kryesor të këtyre grup moshave, ndërsa për talentin e Fatlindit edhe trajneri Sadullah Ajeti ka lavdata .

“Fatlindi është një talent i madh i futbollit është një futbollist mjaft i diciplinuar ka një ardhmëri të mirë në karierën e tij futbollistike”.

Bjondi nga Gjilani Fatlind Demi i cili një ditë shpreson se do të jetë si idoli i tij Marco Reus dhe të vesh fanellën kuq e zi të AC Milan. “Shpresoj se ëndrra ime do të përmbushet, ëndërroj për atë ditë do të jap gjithçka nga vetja që ëndrrat e mija ti realizoj, ndërsa meritë të veçantë për ngritjen e talentit tim ka edhe trajneri Sadullah Ajeti i cili është një trajner i shkëlqyer”.

Për futbollistin Demi shumë portier ia kanë frikën pasi këmba e tij e djathtë është një “gjyle” e vërtet për portat kundërshtare por edhe nuhatjen të cilën e ka për portat kundërshtare.

Bjondi nga Gjilani i cili ka një ardhmëri të mirë të futbollistit gjatë kësaj verë pritet të udhëton drejt Francës për tu sprovuar në dy klube të mëdha Franceze./rajonipress/