Porosia e kryeprokurorit Maloku për ata që nuk i duan institucionet

Gjilan – Mendojmë se sulmi ka qenë i planifikuar mirë nga ata që nuk i duan institucionet e shtetit e që e duan ma shumë anarkinë. Kemi porosi për të gjithë ata që janë kryes të këtyre veprave kriminale dhe urdherdhenesit e tyre se ligji do i godas shpejt dhe pa pardon duke i bërë përgjegjës për gjithë dëmin e bërë këtyre organeve shtetërore thotë Jetisdh Maloku kryeprokuror në Gjilan.

Jetish Maloku është zyrtari i parë i lartë i Prokurorisë që ka reaguar ndaj djegies së veturave të Prokurorisë në Gjilan dhe në tri qytete të Kosovës. “E vërteta është se në natën e së shtunës ka ngjarë një sulm në institucionet shtetërore e edhe ne institucionin e Prokurorisë sonë në Gjilan, me ç`rast një i dyshuar apo më shumë kanë hyrë në oborrin e Prokurorisë duke kaluar pengesat (rrethojën) e saj dhe në këtë rast më parë me një çekan kanë thyer dritaret e një automjeti zyrtar e më pas kanë gjuajtur në brendësi disa molotov duke shkaktuar zjarr në automjetin e cekur”.

Sipas Malokut sulmi ka qenë i planifikuar mirë nga ata që nuk i duan institucionet e shtetit e që e duan ma shumë anarkinë. “Kemi porosi për të gjithë ata që janë kryes të këtyre veprave kriminale dhe urdherdhenesit e tyre se ligji do i godas shpejt dhe pa pardon duke i bërë përgjegjës për gjithë dëmin e bërë këtyre organeve shtetërore. Rasti është në procedim e sipër dhe me shumë shpresa të mëdha se hetimi është në rrugë të mbarë t`i identifikoj këta keqbërës dhe shkelës të ligjit” tha Maloku./rajonipress/