Shqipëria ka mposhtur 7 nga 18 rivalët e mundshëm në Evropian

Fitorja ndaj Rusisë e arritur më 29 mars të vitit 2003 mbetet ndër fitoret më të mëdha të kombëtares së Shqipërisë në futboll. Shqipëria jo shpesh ka shënuar fitore të mëdha, fitore ndaj përfaqësueseve me peshë në futbollin evropian e botëror, shkruan sot Koha Ditore.

Shqipëria ndaj Rusisë kishte fituar 3:1 me golat e Altin Rrakllit, Altin Lalës e Igli Tares në ndeshjen eliminatore për Euro 2004 që u luajt në Shkodër. Ajo mbetet e vetmja fitore e kuqezinjve ndaj Rusisë, por edhe ndër fitoret e pakta ndaj kundërshtarëve të mundshëm në “Euro 2016”.

Evropiani i vitit të ardhshëm që mbahet në Francë, është ngjarja e parë e madhe e futbollit në të cilën paraqitet Shqipëria. Shorti për evropian tërhiqet të shtunën nga ora 18:00 në Paris.

Shqipëria është në vazon e fundit, të katërtën, së bashku me Turqinë, Irlandën, Islandën, Uellsin e Irlandën e Veriut. Në tri vazot e para janë 18 përfaqësuese dhe të gjitha janë kundërshtare potenciale të Shqipërisë në “Euro 2016”

http://koha.net/?id=6&l=88292