Opozita thotë se do ta pengojë fjalimin e Jahjagës në Kuvend

Kohën kur kriza politike ka arritur kulmin dhe pozita e opozita nuk po arrijnë të merren vesh, presidentja Atifete Jahjaga ka në plan t’u adresohet deputetëve të Kuvendit në fjalimin vjetor, shkruan sot Koha Ditore.

Kjo kërkesë e Jahjagës ka dalë të hënën, pas takimeve të ndara që ka zhvilluar me pozitën dhe opozitën, në kërkim të zgjidhjes për tejkalimin e krizës politike.

Mes të tjerash, nga burime brenda takimit gazeta merr vesh se Jahjaga u ka thënë liderëve të opozitës se “do të ishte mirë dhe se ka ndërmend t’u adresohet deputetëve në fjalimin vjetor”.

Jahjaga nuk ka marrë një përgjigje nga Visar Ymeri, Ramush Haradinaj e Fatmir Limaj përkitazi me kërkesën e saj.

Ndërkaq në takimin e pasdites me kryetarin e Kuvendit, Kadri Veseli, e para e shtetit ka kërkuar prej tij të caktohet seanca për fjalimin vjetor. Seanca pritet të vendoset javën tjetër.

http://koha.net/?id=27&l=87869