Mavraj e do Gjermaninë në grup: Do të ishte privilegj

Mërgim Mavraj shpreson që Shqipëria të bie në një grup me GjJermaninë, në Kampionat Evropian. Shorti do të hidhet më 12 dhjetor dhe Kuqezinjtë do t’i njohin kundërshtarët e ‘Euro2016’ këtë të shtunë.

“Të jem i sinqertë, për mua nuk ka rëndësi kush është, pasi dy skuadra do të jenë 100% shumë të forta. Të luash kundër Spanjës, Anglisë, Francës, Gjermanisë apo Italisë nuk ka shumë dallim”, u shpreh fillimisht mbrojtësi kosovar për Panorama Sport.

“Është detyrë e madhe për ne të përballemi me secilën. Meqenëse jetoj në Gjermani, do të ishte një prestigj tjetër të luaja kundër saj, ndoshta dhe një dëshirë e imja personale. Në aspektin tjetër, është një sfidë shumë e madhe të luash me kampionen e botës”, vazhdoi ai.

“Po të na qëllonte në grup Austria apo Hungaria, do të ishte më mirë për ne. Sidoqoftë, ne do të jemi gati për këto sfida në verë dhe do t’i marrim ashtu siç shorti do të na qëllojë. Ne do të përgatitemi maksimalisht për të gjitha. Gjithsesi, shortit nuk i besohet”, përfundoi ai.