PDK kritikon koalicionin Srpska – LDK në Kllokot

Gjilan – Partia Demokratike Dega në Kllokot, shpreh shqetësim të madh në lidhje me hapjen e zyrës ndërlidhje mes zëvendëskryeministrit Branimir Stojanoviq dhe Komunës Kllokotit, duke e cilësuar se kjo zyre është urë lidhëse mes Udhëheqësve të Komunës së Kllokotit dhe udhëheqësve të strukturave paralele.PDK dega në Kllokot ka monitoruar punën e kësaj qeverisje dhe ka vlerësuar se kjo Qeverisje do ta fundosë komunën e Kllokotit dhe qytetarët e saj në çdo aspekt, si në zhvillim, edukim, e mirëqenie.

Hapjen e kësaj zyre e cilësojmë të dëmshme për komunitetet pakicë në këtë Komunë, dhe forcim të strukturave Paralele, thuhet në kumtesën e së Kllokotit.

Pjesëmarrja e Sërgjan Mitrovicë Sandor në përurimin e kësaj zyre tregon qartë se në çfarë politika janë zhytur udhëheqësit e LDK-së në Kllokot.

Kjo qeverisje në komunën e Kllokotit Srpska – LDK po dëmtojnë qytetarët e kësaj komune duke zbatuar vetëm politikat të cilat vijnë nga strukturat paralele dhe që veprojnë në Kllokot.

PDK dega në Kllokot ka monitoruar punën e kësaj qeverisje dhe ka vlerësuar se kjo Qeverisje do ta fundosë komunën e Kllokotit dhe qytetarët e saj në çdo aspekt, si në zhvillim, edukim, e mirëqenie.

Ky koalicion Srpska – LDK ka shkelur vazhdimisht ligjet dhe Kushtetutën e Republikës së Kosovës, duke mos respektuar simbolet Shtetërore, duke larguar punëtorët nga vendet e tyre të punës dhe duke punësuar militantë partiak, punësime pa konkurs dhe emërime kundër ligjore e karakterizojnë këtë qeverisje./rajonipress/