Mobicasa

Arrestohet një polic në Kllokot, dyshohet se sulmoi dhe kanosi një qytetar në Podgorcë

Arrestohet një polic në Kllokot, dyshohet se sulmoi dhe kanosi një qytetar në Podgorcë

Gjilan – Një zyrtar policor i Stacionit Policor në Kllokot është arrestuar nga hetuesit e Inspektoratit Policor të Kosovës (IPK), nën dyshimin për kryerjen e veprave penale të lëndimit të lehtë trupor dhe kanosjes.

Sipas njoftimit zyrtar të IPK-së, incidenti dyshohet të ketë ndodhur gjatë orëve të paradites së sotme, në fshatin Podgorcë të Komunës së Vitisë, ku zyrtari policor, i cili shërben në kuadër të Drejtorisë Rajonale të Policisë në Gjilan, dyshohet se është përfshirë në një përleshje me një qytetar.

Bazuar në informacionet e mbledhura gjatë veprimeve fillestare hetimore, ekziston dyshimi se polici e ka kanosur dhe sulmuar qytetarin me një mjet të fortë, duke i shkaktuar këtij të fundit lëndime të lehta trupore.

UBT - Kosove

Pas ndërmarrjes së veprimeve hetimore dhe arrestimit të tij, me vendim të prokurorit të shtetit, zyrtarit policor i është caktuar masa e ndalimit për 48 orë.

Ndërkohë, Inspektorati Policor i Kosovës ka rekomanduar suspendimin e tij nga detyra, si pjesë e masave administrative dhe në funksion të zhvillimit të papenguar të procedurës hetimore.

Rasti po trajtohet nga organet kompetente, ndërsa hetimet pritet të sqarojnë rrethanat e plota të incidentit dhe përgjegjësinë eventuale të zyrtarit policor.

Duhet theksuar se personi i arrestuar prezumohet i pafajshëm deri në një vendim përfundimtar të gjykatës./rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.