RP

Policia e Gjilanit edukon fëmijët për sigurinë në trafik, realizohen ligjërata dhe demonstrime praktike

Policia e Gjilanit edukon fëmijët për sigurinë në trafik, realizohen ligjërata dhe demonstrime praktike

Gjilan – Drejtoria Rajonale e Policisë në Gjilan ka realizuar një aktivitet edukativ me fëmijët e ciklit parashkollor, me qëllim të ngritjes së vetëdijes për sigurinë në trafikun rrugor dhe respektimin e rregullave të komunikacionit.

Aktiviteti është organizuar përmes Njësisë për Sektorin dhe Komunitetin të Stacionit Policor në Gjilan, në dy institucione arsimore të komunës: shkollën “Abaz Ajeti” dhe institucionin parashkollor “Ardhëria II”, në lagjen Dardania.

Gjatë ligjëratave, fëmijët janë njoftuar me rregullat themelore të sigurisë në trafik, rëndësinë e respektimit të shenjave të komunikacionit dhe sjelljet që duhet t’i kenë gjatë lëvizjes në rrugë.

Uje Dea

Përveç pjesës teorike, aktiviteti është shoqëruar edhe me demonstrime praktike, ku nën mbikëqyrjen e zyrtarëve policorë dhe stafit arsimor, fëmijët kanë mësuar mënyrën e sigurt të kalimit të rrugës, përdorimin e vendkalimeve për këmbësorë dhe kujdesin që duhet treguar gjatë pjesëmarrjes në trafik.

Sipas Policisë së Gjilanit, qëllimi i këtij aktiviteti është edukimi i fëmijëve që në moshë të hershme për sigurinë rrugore, parandalimi i rreziqeve në trafik dhe ngritja e përgjegjësisë së të gjithë pjesëmarrësve në komunikacion ndaj fëmijëve, si një ndër kategoritë më të ndjeshme.

Policia ka bërë të ditur se aktivitetet e tilla vetëdijesuese do të vazhdojnë edhe në të ardhmen, në kuadër të bashkëpunimit me institucionet arsimore dhe komunitetin./rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.