Reuten ia kujton von der Leyenit tolerimin ndaj Vuçiqit, thotë se PE-ja i mbështeti ata që kërkuan drejtësi e ndryshim

Eurodeputeti Thijs Reuten ka reaguar pas humbjes së deklaruar të Aleksandar Vuçiqit në zgjedhjet parlamentare në Serbi, duke kritikuar qasjen e Bashkimit Evropian ndaj presidentit serb.

Reuten ka thënë se shumica e shteteve anëtare të BE-së, së bashku me presidenten e Komisionit Evropian, Ursula von der Leyen, kanë vazhduar politikën e tolerimit ndaj Vuçiqit.

“Një shumicë e shteteve anëtare dhe presidentja e Komisionit Evropian, Ursula von der Leyen, iu përmbajtën politikës së tolerimit ndaj autokratit Vuçiq. Një shumicë e madhe e Parlamentit Evropian ka bërë thirrje prej vitesh për t’i dhënë fund kësaj politike dhe i ka mbështetur ata që kërkuan transparencë, drejtësi dhe ndryshim”, ka shkruar Reuten.