Gjilani nis fazën e dytë të dezinsektimit më 5 shtator, Komuna apelon për kujdes te bletarët dhe qytetarët

Gjilan – Komuna e Gjilanit ka njoftuar qytetarët se të shtunën, më 5 shtator 2026, nga ora 19:30, do të nisë faza e dytë e procesit të dezinsektimit në territorin e komunës.

Sipas njoftimit të Drejtorisë së Shëndetësisë dhe Mirëqenies Sociale, ndërhyrja synon trajtimin e hapësirave nga prania e insekteve dhe zhvillohet në kuadër të masave të planifikuara nga institucionet komunale për mbrojtjen e shëndetit dhe mirëqenies së qytetarëve.

Me rastin e fillimit të kësaj faze, Komuna e Gjilanit u ka bërë apel të veçantë bletarëve që të marrin masat e nevojshme për mbrojtjen e bletëve dhe koshereve gjatë kohës së trajtimit. Bletarët këshillohen që të jenë të kujdesshëm dhe të ndërmarrin masat përkatëse për shmangien e ekspozimit të kolonive të bletëve ndaj procesit të dezinsektimit.

Njëkohësisht, Komuna u ka bërë thirrje edhe qytetarëve që gjatë kohës së trajtimit të mbajnë të mbyllura dyert dhe dritaret e shtëpive, me qëllim që të parandalohet depërtimi i insekteve dhe substancave të përdorura gjatë procesit në ambientet e banimit.

Procesi i dezinsektimit zhvillohet në kuadër të aktiviteteve të Komunës së Gjilanit për trajtimin e hapësirave publike. Dokumentet publike të prokurimit tregojnë se Komuna ka proceduar edhe aktivitetin për dezinsektimin e hapësirave publike, ndërsa në dokumentet e prokurimit përfshihet edhe shërbimi i dezinfektimit, dezinsektimit dhe deratizimit.

Nga institucionet komunale kërkohet bashkëpunim i qytetarëve gjatë realizimit të procesit, në mënyrë që ndërhyrja të zhvillohet në mënyrë sa më të sigurt dhe të organizuar.

Komuna e Gjilanit, përmes Drejtorisë së Shëndetësisë dhe Mirëqenies Sociale, ka falënderuar qytetarët për mirëkuptimin dhe bashkëpunimin, duke i ftuar ata që t’u përmbahen udhëzimeve të dhëna gjatë zhvillimit të fazës së dytë të dezinsektimit./rajonipress/