Gjyshi zemrak

Poezi nga Nijazi Kastrati

-Për fëmijë,
Gjyshi im
Është zemrak
Shpesh më qorton
Mua nga pak

Unë kur luaj
Në telefon
Vjen ngadalë
Në vesh m’pickon

-Nipin tim
Mos ma prek
Vërejtjen gjyshja
Ia tërhjek

-Hesht moj plakë
Se unë e di
Telefoni
S’është për fëmijë

Duhet të loz
Ky në natyrë
Në ajër të pastër
Është më mirë

Respektova
Gjyshin tim
Telefonin
Lash n’vitrinë
N’livadh të xhaxhit

Me shokë shkuam
Luam top
Edhe kënduam
Bukur kohën
E kaluam