Krasniqi ka disa pyetje për kryeministrin Mustafa

Ish kreu i Kuvendit të Kosovës, Jakup Krasniqi, thotë se rinisë i duhet mësim, studim dhe punë për jetë te dinjitetshme.

“Kryeministër, vitin 2015 e ke nisur ters. A ke menduar si do ta përfundosh?! Qytetarët i zhgënjyet me koalicionin, nga zhgënjimi që u sollët, i detyruat që ta marrin rrugën e refugjatëve dhe u kthyen për 15 vjet prapa, duke ua përkujtuar regjimin e kriminelit Millosheviq. Simbolikë shumë e keqe kjo apo jo?!”, thotë Krasniqi.

“Para pak kohe, qytetarëve dhe opozitarëve ua kujtuat Kanunin e Lekë Dukagjinit (edhe duke i kërcënuar), sikur harruat se shqiptarët, atë të drejtë zakonore e ruajtën për shekuj për t’ju kundërvë pa ligjësive të armiqve. Qytetarëve tanë ua afruat Kanunin e mesjetës në vend që t’ua afronit ligjet e shekullit, te shekullit te teknologjisë më të praruar të të gjitha kohërave”, ka thënë më tej ai.

Krasniqi i ka thënë Mustafës se kohë më parë në vend që t’u kërkonte falje qytetarëve për fjalorin e rrugëve që, sipas Krasniqit, përdori në medie para publikut, ai u kërko falje gomarëve.

“Nuk e di sa e kuptuan gjuhën tuaj ata … ? Kryeministër, qytetarët i kanë 101 arsyeje të protestojnë, pse i ke thye në besë dhe i ke mashtruar jo vetëm në kohë fushatash zgjedhore. A te kujtohet çka ke thënë për katër e më shumë vite për qeverisjen Thaçi 1 e 2? A po ke harruar?”, ka thënë Krasniqi. “Kryeministër, qytetarëve me fjalë miradije e mirëbesim u jepet shpresë dhe besim për ndryshim! Pse ti në vend të fjalëve të urta e mirëbesimit, Rinisë sonë ja afroni kërbaçin! A te kujtohet viti ’81, kur Beogradi yt, mendonte që me burgje e kërbaç i mbytë të drejtat e lirit e shqiptarëve? A te kujtohet regjimi kriminal i Millosheviqit, shqiptarëve ua kishte lënë të hapur: rrugën e nënshtrimit e të ikjes ose të luftës a të vdekjes?”, ka shtuar më tej.
Krasniqi e ka pasur edhe një tjetër pyetje për Mustafën.
“ Kryeministër, a po flenë rahat dhe a ke menduar për dorëheqje? A e dinë Kryeministër, cili është fati i atyre, që shqiptarëve ua afruan kërbaçin, burgun e vdekjen në vend të jetës se lirë e të dinjitetshme? Pse Kryeministër, nuk po mëson nga historia e dhunës, e kërbaçit dhe e burgjeve ….?!”.

“Kështu nuk qeverisen dot shqiptarët!!! Historia po flet, jo unë. Lexojeni drejtë historinë! Ajo është mësuese e jetës. Kështu nuk duhej të ndodhte, se paku jo më 11 shtator! Kur duhet përkujtuar viktimat e terrorizmit!”, ka thënë Krasniqi.

© KOHA. Të gjitha të drejtat janë të rezervuara.
http://koha.net/?id=27&l=74660