Gjilanasi arrestohet me mbi pesë gramë hashash, rasti procedohet në Prokurori

Gjilan – Një person është arrestuar në orët e para të së hënës në Gjilan, pasi gjatë kontrollit policor i është gjetur dhe sekuestruar substancë e dyshuar narkotike e llojit hashash.

Sipas raportit të Policisë së Kosovës, rasti ka ndodhur më 28 korrik 2026, rreth orës 00:40, në rrugën “Lufta e Gjilanit”, ku njësitet policore kanë ndaluar dhe kontrolluar një të dyshuar, shtetas të Kosovës.

Gjatë kontrollit, policia ka sekuestruar 5.38 gramë substancë të dyshuar narkotike të llojit hashash, e cila është konfiskuar si provë materiale.

Me urdhër të prokurorit kompetent, i dyshuari është intervistuar dhe më pas është liruar në procedurë të rregullt, ndërsa ndaj tij është iniciuar rasti për veprën penale “Posedim i narkotikëve”./rajonipress/