MSA-ja i lë Doganat pa para

Sipas analistëve, kostoja e MSA-së, që do ta paguajë Kosova, sillet nga 650 deri në 1 miliard euro më pak në buxhet (nëse nga fillimi zbatohet 100 për qind). Po sipas tyre, e mira është se MSA-ja nuk do të fillojë të zbatohet 100 për qind që nga viti i parë dhe do të zbatohet suksesivisht.

Në janar të vitit të ardhshëm pritet që të hiqen taksat në Dogana, për shkak se mund të fillojë zbatimi i Marrëveshjes së Stabilizim Asocimit. Siç dihet, aparati shtetëror i vendit që nga paslufta mbahet kryesisht me të hyrat nga Dogana e që mund të zvogëlohen dukshëm. Analistët e çështjeve ekonomike thonë se Qeveria e një shteti që e mbështetet zhvillimin e vendit vetëm në vjeljen e taksave nga Dogana, nuk ka menduar fare për zhvillimin ekonomik dhe nuk e ka të garantuar të ardhmen e vet.

Ata shtrojnë dilemën nëse Qeveria është e përgatitur me fillimin e zbatimit të Marrëveshjes së MSA-së. Sipas analistëve, kostoja e MSA-së që do ta paguajë Kosova, sillet nga 650 deri në 1 miliard euro më pak në buxhet (nëse nga fillimi zbatohet 100 për qind).

Po sipas tyre, e mira është se MSA-ja nuk do të fillojë të zbatohet 100 për qind që nga viti i parë dhe do të zbatohet suksesivisht. Me gjithë pyetjet e dërguara për Ministrinë e Financave dhe Integrimeve Evropiane lidhur me pasojat buxhetore të MSA-së, zyrtarët për informim nuk janë përgjigjur./kosova sot/