Të shtunën promovohet libri i monografisë “Pogragja ndër shekuj” të autorit Xhafer Xhaferi

Gjilan – Të shtunën në Gjilan do të promovohet monografia “Pogragja ndër shekuj” e autorit Xhafer Xhaferi, një vepër që sjell një pasqyrë të thelluar historike, kulturore dhe shoqërore të kësaj treve.

Promovimi do të mbahet të shtunën, më 20 dhjetor 2025, në lokalet e Shkollës së Muzikës në Gjilan (Rr. “Mësimdhënësit e viteve ’90-ta”, nr. 10), me fillim në ora 12:00.

Organizatorët ftojnë studiues, intelektualë, dashamirë të librit dhe qytetarë që të marrin pjesë në këtë ngjarje kulturore, e cila synon të ruajë dhe promovojë kujtesën historike të vendit.

Ardhja juaj nderon autorin dhe organizatorët.

Ndryshe libri “Pogragja ndër shekuj” e autorit Xhafer Xhaferi, është një vepër dokumentare që ndriçon historinë, trashëgiminë dhe identitetin kulturor të Pogragjës ndër shekuj.

Libri, i pasuruar me të dhëna historike, dëshmi arkivore dhe fotografi ilustruese, përbën një kontribut të çmuar për studiuesit, lexuesit dhe të gjithë ata që vlerësojnë kujtesën kolektive dhe trashëgiminë lokale.

Organizatorët ftojnë publikun e gjerë të marrë pjesë në këtë ngjarje kulturore me rëndësi të veçantë./rajonipress/