E hëna me mot të vranët dhe intervale me diell

Instituti Hidrometeorologjik i Kosovës ka publikuar parashikimin e motit për ditën e hënë, duke bërë të ditur se vendi do të karakterizohet nga mot kryesisht i vranët, por me periudha të shkurtra me diell.

Sipas IHMK-së temperaturat minimale pritet të lëvizin ndërmjet 1–4°C, ndërsa temperaturat maksimale do të arrijnë 14–17°C.

Po ashtu, instituti njofton se era do të fryjë kryesisht nga veriperëndimi, me shpejtësi të lehtë prej 1–4 m/s.

IHMK bën të ditur se kushte të tilla atmosferike janë tipike për periudhën aktuale të vitit. /Telegrafi/