Kryeministri Mustafa po vazhdon të ndërhyjë në punët e Kuvend

Kryeministri Isa Mustafa po vazhdon të ndërhyjë në punën e Kuvendit të Kosovës, raporton KTV.Mustafa ka përsëritur deklaratat e zëvendësit të tij, Hashim Thaçi, duke iu kërkuar deputetëve që të mos shkojnë në pushim pa e miratuar Gjykatën Speciale. E një gjë e tillë është kritikuar ashpër nga zyrtarë të opozitës, të cilët thonë se kjo është shkelje e demokracisë nga kryeministri Isa Mustafa.

Nuk do të ketë pushim parlamentar pa u miratuar Specialja.

Këtë deklaratë të vartësit të tij, Hashim Thaçi, e ka përsëritur kryeministri i Kosovës, Isa Mustafa.

Mustafa ka thënë se u ka kërkuar deputetëve që të mos shkojnë në pushim pa e miratuar Gjykatën Speciale.

E ky kushtëzim i të parit të Qeverisë nga partitë opozitare, po shihet si jo demokratik.

Frashër Krasniqi nga Vetëvendosje ka deklaruar se po shkelet demokracia e punës së legjislativit.

Edhe shefja e Grupit parlamentar të AAK-së, Donika Kadaj-Bujupi, ka pohuar se këto deklarata janë të papranueshme.

Ndërkohë, ende nuk dihet se cila është dita kur në Kuvend do të riprocedohen ndryshimet kushtetuese që i hapin rrugë themelimit të Speciales.

http://koha.net/?id=27&l=67787