Asociacioni me “nëpunës civilë”

Grupet punuese nga Prishtina dhe Beogradi janë duke punuar intensivisht në themelimin e Bashkësisë së Komunave Serbe, të cilën serbët e quajnë “Zajednica”.Gazeta “Zëri” ka mësuar se javën e fundit grupet punuese janë pajtuar që punëtorët e Bashkësisë së Komunave Serbe ta kenë statusin e “nëpunësve civilë”.
Kjo kërkesë e palës serbe ka qenë prej fillimit, të cilën Prishtina deri më tani nuk e ka pranuar.

“Ka pajtim mes palëve që punonjësit e Bashkësisë së Komunave Serbe të kenë statusin e nëpunësve civilë. Nga e hëna takimet do të vazhdojnë, ndërsa në fund të muajit pritet edhe një takim i nivelit të lartë mes Isa Mustafës dhe Aleksandër Vuçiqit”, ka bërë të ditur një zyrtar serb në Qeverinë serbe./zeri/