Gorani: Nëse nuk votohet Specialja, Qeveria bie

Analisti politik Dukagjin Gorani ka bërë me dije se gjasat janë të mëdha që të bjerë Qeveria dhe e të shpërndahet Kuvendi nëse nuk votohet Gjykata Speciale.
“Gjasat janë të vogla që kjo punë të kryhet në Kuvend. Pavarësisht dëshirës së madhe të Kryeministrit Mustafa dhe partisë së tij”, është shprehur Gorani për ‘Epokën e re’.

Gorani ka thënë se me mos krijimin e Gjykatës Speciale vendi do të zhytej në krizë të thellë plitike deri kah mesi i vjeshtës, kur medoemos do të shpalleshin zgjedhjet e reja parlamentare.

Ai ka deklaruar se vizita e ndihmës-sekretares amerikane Victoria Nuland ishte mesazhi i fundit i qëndrimit shtetëror të SHBA-së për Gjykatën Speciale.