BE, Qeverisë: Lëreni deklaratat, ratifikoni demarkacionin

Zyra e Bashkimit Evropian në Prishtinë ka thënë se e vetmja që gjë Kuvendi i Kosovës mund të bëjë drejt liberalizimit të vizave është që të ratifikoj demarkacionin e kufirit me Malin e Zi, si dhe të tregoj rezultate rekorde në luftën kundër krimit të organizuar dhe korrupsionit.

Zyra e BE-së në Prishtinë, në përgjigjën e saj për Indeksonline, ka konfirmuar se demarkacioni dhe luftimi i korrupsionit në nivele të larta janë dy kriteret e fundit që Qeveria e Kosovës duhet ti plotësoj, para se BE-ja, të jepe dritën e gjelbër për lëvizje të lirë.

“Komisioni Evropian ka lëshuar një propozim për liberalizimin e vizave më 4 maj 2016, duke vënë përpara për një vendim nga Parlamenti Europian dhe Këshillit të BE-së. Në raportin e tij, Komisioni Evropian konfirmoi se Kosova ka plotësuar të gjitha kërkesat e udhërrëfyesit të tij për liberalizimin e vizave, në kuptimin që nga dita e miratimit të këtij propozimi nga Parlamenti Evropian dhe Këshillit të BE-së, Kosova do të ketë ratifikuar marrëveshjen kufitare me Malin e Zi dhe forcuar rekordin e tij udhë në luftën kundër krimit të organizuar dhe korrupsionit”, thuhet në përgjigjen e BE-së. /Indeksonline/