Bajrami: Në Kosovë duhet të shpallet gjendje e jashtëzakonshme

Valdete Bajrami, shefe e grupit parlamentar të Nismës, gjatë seancës së Kuvendit të Kosovës ka thënë se në vend është një gjendje alarmante duke thënë se vetëm dy muaj të fundit ka pasur gjuajte me armë zjarri.

Ajo ka thënë se kjo gjendje është alarmante dhe kjo mund të ndalet, vetëm duke investuar në të ardhmen e të rinjve.

Bajrami ka kritikuar koalicionin LDK dhe PDK për gjendjen e krijuar ne vend.

“Unë mendoj se në Kosovës duhet që të shpallet gjendje alarmante dhe e jashtëzakonshme. Për këtë situatë duhet të jep dikush përgjegjësi dhe ju e dini se kush duhet të jep përgjegjësi. LDK dhe PDK keni dështuar në të gjithë aspektet”, ka thënë Bajrami.

Ajo ka kërkuar që të japin menjëherë dorëheqje.

“Ju duhet të kishit ofruar menjëherë dorëheqje po të kishit ndërgjegje, atë do duhej ta kishit bërë menjëherë pas vrasjeve që ndodhën muajin e kaluar’’, ka përfunduar Bajrami. /ZERI/