Sinani: Ne po vazhdojmë në përmbylljen me sukses të projekteve

Kamenicë – Begzad Sinani këtë fundjavë ka vizituar disa projekte që sipas tij janë në përfundim e sipër. Ai është shprehur i kënaqur me dinamikën e punimeve dhe se ka thënë që nëntori mbetet muaji kur pritet të përfundojnë këto projekte.

Vazhdojnë punimet në rregullimin e objektit të ri të komunës. Punimet do të përfundojnë brenda afatit të paraparë ka shkruar Begzad Sinani.

Sipas Sinani në objektin e palestrës së sporteve punët vazhdojnë dhe Nëntori është koha që do të kryhen punimet.

Trajtimi i ujërave të zeza në qendër të qytetit, kanë mbetur edhe dy ditë punë. Falënderoj kompaninë për kujdesin në kryerjen e punëve. Në ekzekutimin e punëve probleme ka patur rreth paqartësisë së skicave të kabllove të rrymës, postës, ujësjellësit dhe gypave të kanalizimit.

Ne po vazhdojmë në përmbylljen me sukses të projekteve ka shkruar Sinani./rajonipress/