16 shtretër donacion për QKMF e Kamenicës

Kamenicë – Pas një angazhimi të mirëfilltë, të mërkurën pasdite kanë arritur në QKMF-në e Kamenicës 16 shtretër për nevojat e pacientëve të Komunës së Kamenicës dhe së shpejti do shpërndahen edhe nëpër Ambulantat e fshatrave ka thënë Fatmir Matoshi.

Sipas Matoshit ky Donacion vjen nga Qyteti i Delemontit në Zvicër në saje të bashkëpunimit që kemi me këtë qytet. Falënderime për bashkatdhetarin tonë Afrim Ramabaja, i cili e ka paguar edhe transportin e tyre dhe Drejtoreshën Shkollës së Qytetit të Delemontiit ku kryhet praktika e mjekësisë Genevieive KOHLER ka shkruar Fatmir Matoshi.

Matoshi në mënyrë të veçantë ka falënderuar edhe Drejtorin e Shëndetësisë z. Agim Bucolli që ishte bartës i këtij projekti, sikundër edhe për zyrtarët e Ministrisë së Shëndetësisë Remzi Berisha e Bekim Murati, Kompaninë Euroelementi nga Kamenica, Shpedicionin “Pllumbi” dhe të gjithë ata që ndihmuan./rajonipress/