Adrenalina e Motoçiklizmit me 3 tetor në fshatin Stanishor

Klubi i Motoçiklizmit “MC06” nga Gjilani, është mikpritës i edicionit të VIII-të, të motoristëve më të mirë në shtetin e Kosovës, i cili do të mbahet me 3 tetor në shpatijet e fshatit Stanishor ku pritet të jetë garë me plot emocione.

Tani e një kohë klubi i Motoçiklizmit “MC 06” nga Gjilani ka bërë të gjitha përgatitjet që kjo garë të mbahet siç është më së miri duke ju ofruar garuesve të gjitha kushtet që të arrijnë rezultate sa më të mira.

Organizatori i kësaj gare njiherit edhe drejtori sportivë në Federatën e Motoçiklizmit në Kosovë, Alban Beqiri ka theksuar se të dielën do të jetë një festë dhe një garë si për garuesit poashtu edhe për shikuesit ku pritet të jetë një numër i madh i tyre. “Jemi përgatitur maksimalisht për këtë edicion të garave, do të jetë një festë e vërtet sportive për t`i shijuar bukurit të cilat i ofron Motoçiklizmi, ne kemi arritur ta përmirësojmë shtegun ku shikuesit munden t`i shohin garuesit nëpër shteg mbi 80%, garat do të zhvillohen në 5 kategori ndërsa komisioni i garës do të jetë shumë sy hapur që çdo garues të jetë i pajisur me të gjitha pajisjet e nevojshme mbrojtëse”.

Beqiri ka bërë të ditur që do të ketë një numër të madh të garuesve ku do të ndahen garuesit sipas kategorive. “Me 3 tetor në shpatijet e fshatit Stanishor pritet të jetë një numër i madh i shikuesve ku do të jetë një festë, ndërsa në fund të garës fituesit do të shpërblehen me kupa e mirënjohje pasiqë kjo garë ka karakter të mbledhjeve të pikëve dhe në fund të vitit Federata do të shpallë më të mirët sipas pikëve me synim që në vitin e ardhshëm garuesit kosovar të marrin pjesë në garat Evropiane”. Gara do të ketë 5 kategori kompetitorësh, si: E1 (250ccm 2kohësh
– 450ccm 4kohësh)
– E2 (125ccm 2 kohësh
– 250ccm 4 kohësh) dhe
– Hoby (kategori e përzier me kompetitorë fillestarë).
– Junior Junior class