Reçica: VV’ja po tenton ta instalojë logjikën e UDB’së

Elmi Reçica deputet nga radhët e Partisë Demokratike të Kosovës, ka kritikuar sot veprimet e Lëvizjes Vetëvendosje, duke theksuar se VV po tenton ta instalojë logjikën e shërbimit sekret jugosllav (UDB), se kush më kënd rrinë e shoqërohet.

Ai në foltoren e Kuvendit, ka thënë se është derdhur shumë gjak, mund dhe sakrificë, që të largohet kjo logjikë.

Ai gjithashtu ka pyetur se mos VV-ja ka ndonjë shërbim të fshehtë, përderisa po bën fotografi të fshehta.

“Mund të angazhoheni këtu, të debatoni dhe t’i shpalosni mendimet e juaja, por jo të bëjnë veprime të tilla”, ka thënë Reçica.