Selmanaj: Pjesëmarrja e Kurtit në votime në Shqipëri me pasoja gjeopolitike për Kosovën

Depueti i LDK-së, Driton Selmanaj ka thënë se pjesëmarrja në votime e kryeministrit të Kosovës Albin Kurti në Shqipëri do të ketë pasoja gjeopolitike për Kosovën.

Selmanaj veprimin e Kurtit, e ka quajtuar të pakuptimtë dhe të papranushëm, transmeton Zeri.info.

“Pjesëmarrja në votime e kryeministrit të Republikës së Kosovës në zgjedhjet parlamentare në Republikën e Shqipërisë, e pakuptimtë, e papranueshme dhe me pasoja gjeopolitike dhe gjeostrategjike për shtetin e Kosovës”, ka shkruar Selmanaj.

Kujtojmë se kryeministri Kurti, me një pjesë të zyrtatëve të partisë së tij, ka qenë sot në Shqipëri për të votuar në zgjedhjet parlamentare, ndërsa këtë veprim e kanë kritikuar politikanë ndërkombëtarë e vendorë.

LVV-ja mori pjesë në këto zgjedhje me 3 kandidatë. /Zëri