Paraqitje fantastike ndaj Milanit, kjo ishte nota e Elseid Hysajt

Elseid Hysaj bëri një paraqitje fantastike ndaj Milanit. Shkodrani u aktivizua titullar në triumfin 0-1 ndaj kuqezinjve, teksa ishte i pakalueshëm në krahun e tij.

Mbrojtësi i Kombëtares është vlerësuar me notën 7.7 nga faqja e specializuar e statistikave, “Sofa Score”.

Hysaj arriti të fitonte plot 7 nga 8 duelet me futbollistët e Milanit, teksa ishte plotësisht i saktë për sa i përket krosimeve.

Shqiptari u aktivizua në krahun e majtë dhe qëndroi gjatë gjithë ndeshjes në fushë.