Komuna e Kllokotit nis planifikimin e buxhetit për vitin 2017

Gjilan – Komuna e Kllokotit duke respektuar procedurat ligjore lidhur me planifikimin, miratimin e buxhetit Komunal, edhe në këtë vit në këtë periudhë në vitin 2016 prej Qershorit deri në Shtatorë organizon debate publike lidhur me buxhetin për vitin 2017 me qytetarët e interesuar, me organizata joqeveritare dhe me shfrytëzuesit direkt ose indirekt të buxhetit.

Hidajet Ahmeti zyrtar komunal në Kllokot thoit se Komuna e Kllokot-Vërbovcit fton të gjithë qytetarët në territorin e Komunës, të interesuar për pjesëmarrje aktive në debatet publike lidhur me buxhetin e vitit 2017 dhe në këtë mënyrë si qytetarë të komunës të jepni kontributin e tyre për planifikimin dhe aprovimin e buxhetit në mënyrë të drejtë që do të ju shërbente nevojave të të gjithë qytetarëve.

”Pjesëmarrja aktive në debatet publike për buxhetin na mundëson qasje të drejtë dhe reale në pasqyrimin e shpenzimeve të mjeteve financiare, si dhe ndarjen e të hyrave vetanake, sepse këto janë mjete që ju kthehen qytetarëve përmes projekteve kapitale” ka thënë Ahmeti./rajonipress/