FSK është gati, pret vendimin për transformim

Ministria për Forcën e Sigurisë së Kosovës ka kompletuar tërë pakon ligjore dhe ka zhvilluar përgatitjet e duhura para se institucionet të marrin vendim për transformim në Forcat e Armatosura të Kosovës.

Kështu u tha gjatë dëgjimit publik me shoqërinë civile, lidhur me projektligjin për ndryshimin e ligjeve që kanë të bëjnë me Forcat e Armatosura të Kosovës.

Sekretari i përgjithshëm i Ministrisë për FSK, Shkelzen Sylaj, foli mbi procesin e rishikimit të Strategjisë të Sektorit të Sigurisë së Kosovës, rekomandimet e dala nga ky rishikim, si dhe procesin e planifikimit dhe përgatitjeve të Ministrisë për përgatitjen e ligjeve dhe amendamenteve kushtetuese që i hapin rrugë transformimit të Forcës së Sigurisë së Kosovës në Forca të Armatosura.

Sylaj tha se Ministria për Forcën e Sigurisë gjatë gjithë procesit të punës rreth këtij procesi ka punuar ngushtë dhe në transparencë të plotë me Ekipin këshillues të NATO-s për MFSK-në(NAT), Ekipin Ndërlidhës Këshillues të NATO-s për Forcën e Sigurisë(NLAT) si dhe me organizatën DIR- nga shtetet e Bashkuara të Amerikës.

Gjithashtu, edhe drejtori i NAT-it, Dominic-Haydn Braithëaite, i cili me këtë rast tha se Ministria për FSK ka punuar fort në këtë proces në mënyrë që tërë pakon ligjore ta kompletoj dhe të zhvilloi përgatitjet e duhura para se institucionet të marrin vendim për transformim.

Gjatë dëgjimin publik, nga ana e shefes, Sogojeva – Dermaku dhe personelit tjetër të zyrës major Brahim Kokollari dhe Burim Abazi u bë leximi nen për nen dhe pikë për pikë i ligjeve, si dhe të njëjtit u përgjigjen në pyetjet e parashtruara, si dhe dhanë sqarimet e nevojshme rreth temave, përmbajtjeve dhe formulimeve tjera.

Organizatave joqeveritare vendore të cilat merren kryesisht me çështje të sigurisë, paraqitën nga ana e tyre komentet, si dhe dhanë disa propozime të cilat do të analizohen ngaZyra Ligjore e Ministrisë në të ardhmen.

Nga ana e tij, Besfort Lecaj, përfaqësues i Organizatës Asociacioni Euro-Atlantik, i për gëzoj udhëheqësit e Ministrisë për organizimin e dëgjimit publik, si dhe parashtroj disa propozime për rishqyrtim dhe ndryshim eventual.

Sipas një komunikate të MFSK-së, në dëgjimin e sotëm publik për Projektligjin për ndryshimin e ligjeve që kanë të bëjnë me Forcat e Armatosura të Kosovës ishin prezent përfaqësuesit e Qendrës Kombëtare për Studime të Sigurisë(QKSS), Asociacionit Euro-Atlantik i Kosovës, Instituti i Kosovës për Zhvillimin e Politikave(KIPRED),Qendra për Siguri, Zhvillim dhe sundim të Ligjit(DCAF), Agjencia shtetërore për mbrojtjen e të dhënave personale, Sekretariati i Këshillit Konsultativ për Komunitete-Zyra e Presidentit, si dhe organizata tjera të cilat merren me çështje të sigurisë.